البرتقالة...My Orange [الأرشيف] - قطرات الإبداع

مشاهدة النسخة كاملة : البرتقالة...My Orange

The Avenger

07-25-2008, 12:10 AM

بسم الله الرحمن الرحيم ...

كيف الحال شباب شياب شابات عجايز أطفال صغار مراهقين .... إلخ ؟؟؟

إييييييييييييييييييييييه :santa_1:

اليوم مسوي لكم موضوع رسم ... تدرون شلون ... نشقح للقصة بسرعة :
-بسبب إلحاحات حمووودي اللي ما تخلص >> محمد الداوود << قررت أسوي رسمة واقعية
و منها نوريكم خطوات العمل مرة وحدة عشان تطبقون >> مع أني أشك أن في أحد بطبق :c1db4e139eb9bf01236
و عاد لم عزمت و بغيت أرسم ... رحت أشوف أقلام الرسم عندي >>> صار لي شهور ما لمستهم <<<
و اتفاجأت أن >>> ما في شي <<< و قلت أكيد النتفة الصغير اللي عندنا >> أخوي << لاعب فيهم و مضيعهم...
و قعدت أعفس و أرفس و أتهاوش و أخرتها ما لقيت غير قلم الفحم >>> خخخخخخخخخخ
قلت يالله نجرب حظنا مع الفحم ... طيب وين ممسحة الفحم >>> ما في
أخذت ممسحة عادية لقيتها في إحدى أزقة الكوفة قصدي أزفة حجرتي و شكلها مار عليها دهر..
و بدانا ببسم الله :icon30: ....

أحم أحم ..... أولا : أدوات الرسم المستخدمه >>> أو بالأحرى الأدوات المبتكرة خخخخ
http://img.photobucket.com/albums/v297/psdkhglclk/Orange/Tools02.jpg
خخخخخخخخخخ >> لحد يضحك ترى الأدوات ..... خلوها مستورة..
1- قلم فحم ...
2- ممسحة مغبرة من سنة جدي الله يرحمه ...
3- كلينكس !! لا و متفحم بعد >> ما تفحم الا من كثر التمسح به عالورقة ...

ألحين نروح لخطوات الرسم مباشرة و بدون مقدمات :
1- التخطيط ...
http://img.photobucket.com/albums/v297/psdkhglclk/Orange/001.jpg
طبعا مثل ما تشوفون من أسم الموضوع أنا أحاول أرسم برتقاله يعني خخخخ
نبدأ برسم شكل البرتقالة الخارجي..
و نحدد الإضاءة من أي جهة راح تكون >>> أنا حددت جهتين مثل ما تشوفون
بعدين نخطط داخل البرتقاله اللمعان و الظلام و ..... الخ
طبعا التخطيط مو باين هني عشان جذي رسمته لكم بالفوتوشوب :h8:

2- نبدأ بالتظليل مباشرة !
http://img.photobucket.com/albums/v297/psdkhglclk/Orange/002.jpg
هني نبدأ وفق التخطيط اللي مسوينه بالتظليل...
و دائما نبدأ من المناطق الأقل سوادا >>> إذا بديتو بالغامق بتخترب رسمتكم بسرعة..
بدأنا باللمعان ... و تدريجيا للأسود...

3-مواصلة التظليل ...!!! :sheikh:
http://img.photobucket.com/albums/v297/psdkhglclk/Orange/003.jpg
هني نواصل التظليل لتحت و المنطقة اللي ظللناها سابقا نحاول نمسحها بال>>كلينكس<<
عشان الدمج بين درجات اللون الأسود.. >>انتبهوا في هالخطوه اذا مستعملين أقلام فحم<<

4-التظليل الكامل ...!!!
http://img.photobucket.com/albums/v297/psdkhglclk/Orange/004.jpg
و ألحين ظللنا البرتقالة كاملة مثل ما تشوفون ...
و لا تنسون من الدرجات الفاتحه للغامقة >>> قاعدة مهمة :icon30:

5-المسح>> الدمج ...!!!
http://img.photobucket.com/albums/v297/psdkhglclk/Orange/005.jpg
و هني يجي دور الكلينكس الأساسي خخخخ
نمسح به اماكن الظلال من السواد الى اللمعان عشان الدرجات تتداخل مع بعض
و يكون التظليل أجمل ... مع مراعاة الدقة ...
و لاحظوا أني خففت الإضاءة اللي بالجهة اليسرى ... عشان أخلي إحدى الإضاءات أقوى من الثانية
و هذا يرجع لرغبتكم ... انتوا شلون تبون تبدعون :sheikh: :h8: :h8: :b3addaa7b5:
طبعا مو لازم تتطبقون العمل مثلي يمكن اضاءة وحدة تكفي >> على كيفكم..
المهم نرجع لمحور حديثنا

6-التفاصيل ...
http://img.photobucket.com/albums/v297/psdkhglclk/Orange/006.jpg
نضيف بعض التفاصيل المهمة >>> النقاط الصغيره بالبرتقاله
و نرسمها بشكل خفيف ...
و نعدل التظليل شوية عند الأطراف ...
و أي تفاصيل مهمة نزيدها في هالمرحلة :h8:
و نخطط الأرضية و مكان الظلال >> لا تسوون شي بدون تخطيط و دراسة..
و بما أني مسوي ضوئين فلا بد من ظلين واحد أغمق من الثاني :h8:

7-الظلال..
http://img.photobucket.com/albums/v297/psdkhglclk/Orange/007.jpg
نضيف الظلال تحت البرتقالة...
و مثل ما قلت ظلين بس واحد أغمق من الثاني

8-المرحلة النهائية...
http://img.photobucket.com/albums/v297/psdkhglclk/Orange/008-1.jpg
نعدل الظلال بالكلينكس..
و نضيف أي تفاصيل أخرى مهمة ... إذا ظل شي ما سويتوه يعني
بغيتوا تحطون سما و أيادي متلهفة للبرتقاله >>كيفكم :h8: :h8: :h8:
>>> لا حظوا ظلال البرتقاله شلون صارت <<<
و إذا في أي شي خرج عن البرتقالة نمسحة بالممسحة في هالمحرلة
و إذا تبون تزيدون الإضاءة ممكن بعد بالممسحة تعدلونها على كيفكم

و انتهينا بحمد الله :c1db4e139eb9bf01236
و مثل ما تشوفون برتقالة مغرية ... الناس تحب تاكلها

أعذروني على اللون الغامق >> تعرفون ... فحم و بلاويه ...
حاولت قدر الإمكان اتقنها لكنني للأسف مو جيد في الفحم
بس الغاية تبرر الوسيلة :icon30:
صارت برتقالة متفحمة عشانكم...

وين عمران خله يجي يشوف البرتقالة المتفحمة اللي رسمتها له<<< :c1db4e139eb9bf01236

يالله شباب ... مع أني أشك في هالموضوع
لكن ودي أشوف تطبيقاتكم :icon30:
>>> و لازلت يا حموودي أشك أن في أحد راح يطبق
خايبين أعضاء هالمنتدى شوي..

ننتظركم يا شباب :icon30:

و بدون كثرة كلام و هدرة...

تحياتي لكم جميعا + سطل ورد :icon30:

اكليل الورد

07-25-2008, 01:13 AM

واااااو عجبتني:icon30: ..وصار نفسي فيها .. بالذات انها معمولة عالفحم ..

وطلعت فنان من حأ وحأيأ وبكل معنى الكلمه:c1db4e139eb9bf01236 ..

انت الحين رسمت البرتقاله بس للحين ماعرفنا قصتها :h8::h8::h8:!!!!

المهم تسلم يدينك يافنااان .. وقوم غسل يدك من هالفحم ..ولا تحاول تمسحه في احد:exclaim: ..

وعلى فكرة ترى جربت ارسمها <<<< في الهوا لكن وطلعت جميله جدا..

موفق اخي ..

محمد الداوود

07-25-2008, 01:22 AM

ماشاء الله عليك حسون
درس جميل وخطوات رائعة وسهلة

لي عودة مع التطبيق

وجهز الدرس الجديد

The Avenger

07-25-2008, 01:24 AM

أهلا بالأخت العزيزة

خخخ إيه يقولون كل شي على فحم حلووو

شكرا على المديح ^_^ >>> عجبتني حأ و حأيأ خخخ

إيه... هذي برتقالة غير قصة البرتقالة...
مع أن بينهم الرابط العجيب تبع صبيص طون ههههه
... لا يحق لي التكلم في موضوع البرتقالة ^_^

يسلمك ربي يا ختي ...
بعدين الرسمة مسويها من الساعه 11 الظهر
بس ما نزلت الموضوع..
رحت بركة سباحة ... نظفت الفحم فيها هاهاها

إيه ما عليه صوري >> الهوا << وورينا البرتقالة ^_^

بالتوفيق... >>> أنا قايل لحمود ما يحتاج أتعب روحي محد بسوي تطبيق >_<

تحياتي لكم + وردة

The Avenger

07-25-2008, 01:26 AM

حمووووووووووووووودي

مشكووووووووور

هذا أول و آخر درس

لا تطلب شي ثاني ^_^

أرجوك ههه

عذبتني كفاية بإلحاحاتك <<< ^_^

>>> شكله بيقتلني الليلة

تحياتي لك + بوسة فوق جبينك + وردتين

brown sugar

07-25-2008, 01:37 AM

حللللللللللللللللللوة

درس حليو جدا
وخلك على راسه محمد
لين ينزل دروس باقي الفواكه الصيفية

ولاتزعل ان شاء الله اطبقها
بس

على تفاحة

مبددددددع

The Avenger

07-25-2008, 01:45 AM

براون >> آه منكم يالسحالي ^_^

شكرا لتواجدكم ... ننتظر التطبيق على أحر من الفحم ^_^

المشكلة ما تدرون محمد وش ناوي عليه

بالنسبة لي لو كل يوم أحط لكم رسمة أحسن من أن يسوي اللي بباله

و اذا سواها صج >>> بنتحر ^_^

و طبقيها على أي شي

تفاح موز اللي يعجبكم..

بالنسبة للتطبيق ... يفضل تحطون العنصر قدام عيونكم

و ترسمونه طبقا للأصل ... و لا تستصعبون الشيء..

بتخرجون بنتيجة رائعة...

المحاولة بحد ذاتها عمل رائع ^_^

تحياتي لكم أخوتي + وردة

cάfєєή ♥ ∂єš

07-25-2008, 11:26 AM

والله النتيجه رووعه

بالنسبه للتطبيق

والله انا مالي بالرسم ابداً >> ماتعرف ترسم خخخخخ

بس بجرب وبشووف

سي يا

The Avenger

07-25-2008, 12:49 PM

جربوا يا اخوات

لابد من التجربه ... و التجربه

للخروج بنتيجة ^_^ >> قمت اتفلسف

اعذروني راسي يدور اليوم..

ننتظر التطبيقات >>> الل يعمرها ما بتوصل ^_^

تحياتي لكم + وردة

sora

07-25-2008, 04:17 PM

هلوووووووووووووووووووووووو

اخباركم
درس حلو وفخامة وبسيط جدا
بس بدل النشافة او الكلينكس نستخدم الدامج وهو من روق على شكل قلم بأحجام مختلفة

اني طبقت الدرس بالفحم مع اني مااحبه يجيب الي الارق في لمسته على ورق ودمجة في صعوبة بصراحة
يالله شوفوا تفاحتي بس لا تسخروا عليها يمكن تلاحظوا على جنب خرابيش بس اني كاتبة شبكة نادي المصممين وفي التصوير ماطلع مسوى اني وحدة سودانية مليت ادخلها بالسكنر
وشو بعد ايه لا تسخروا يالله

ايه رسمتها في ربع ساعة ولذلك مو متقنه :c1db4e139eb9bf01236
ايه نسيت الظل بصراحة ان شاء الله مرة تانية :na-na-na:

http://up3.shia4up.net/images/5su7fosdma6dy20g4z3n.jpg (http://up3.shia4up.net/)

The Avenger

07-25-2008, 04:51 PM

أهلا بالتطبيق الأول !!!

تطبيق جميل و موفق >>> أعتقد

لأن الصورة مو واضحة خخخخ

بس باين التظليل جميل

ملاحظتي على التظليل اللي فوق بالوسط... >>> الحفرة

أحسه غامق زيادة عن اللزوم...

و الظل اللي تحت التفاحة ... ما عليه نتجاوز عنه...

بالنسبة للدامج >>> خخخ كان يا مكان عندي واحد

الله يرحمه >>> صار تحت رحمة الياهل اللي عندي

زين زين لقيت قلم >>> ^_^

و بالنسبة لي بعد أفضل الرصاص على الفحم..

لكن مثل ما قلت >>> الغاية تبرر الوسيلة خخخ

تحياتي لكم >> + وردة

aamran

07-25-2008, 09:32 PM

ameer

07-26-2008, 02:52 AM

هذا تطبقي
بس بالفحم الملون
والاضاءة من جهة وحدة

حسين
اذا اعطيك صورة لعيون تعرف ترسمها طبيعي
بدون لعب
تحياتي

The Avenger

07-26-2008, 04:42 AM

انت عليك حركات يا مؤمن .. !
الرسم حركة ..
و العنوان حركة ثانية ..

الحين انت خوفت محمد .. و خليته اول واحد يدخل على الموضوع و يعقب ..

و بالنسبة للتطبيق انا ما راح اطبق .. مع ان نفسي اطبق ..
و السبب واضح طبعاً .. الحين على اخر زمن المنتقم يصير استاذي ..
دا انا اليد اللي تتعلم منك كونت ابترها , يازول . . ( لغة رسمة محمد ) ..

و تحياتي للجميع و انصحكم لحد يطبق الدرس ..
لانها بتصير نقطة سوداء في مسيرتكم الفنية .

عمووووووووووووووووووووووري :h8:

فاهم قصدك يالمجرم >>> حركات خخخخخ
هي فعلا حركات مقصودة يعني ههههه
و محمد من شاف الموضوع ... زي الصاروخ
جا و عقب و من كثر الخوف قال بسوي تطبيق بعد خخخخخخخخ

بعدين يالحبيب ليش ما تطبق يعني؟؟
و المفروض تتشرف أني أكون أستاذك المبجل >>> هاهاها
يالله أسمع كلام أستاذك الجديد و روح طبق ...
و بقط عليك كلمة قوية شوي خخخخ >>> لن يزيدك التكبر الا انحطاطا :icon30: >>> قوييية

خخخخخخخ
و بعدين اذا ما بتطبق ليش تنفر الأوادم يعني ها ؟؟؟
و شنو نقطة سوداء؟؟؟
بالعكس
بتصير برتقاله سوداء في مسيرتهم الفنية
و هذا بحد ذاته شيء فريد من نوعه >> برتقاله سوداء هاهاها

روح روح طبق حبيبي...
و لك بوسة على الجبين و وردة من ال>>سطل اللي اجمع فيه ورود

تحياتي لكم + سطل ورد

The Avenger

07-26-2008, 04:46 AM

هذا تطبقي
بس بالفحم الملون
والاضاءة من جهة وحدة

حسين
اذا اعطيك صورة لعيون تعرف ترسمها طبيعي
بدون لعب
تحياتي

أمير... عزيزي
مشاركة جميلة جدا جدا

أعجبتني الحركات الفنية اللي فيها
ملاحظتي بس .. لو تكون أدق في التفاصيل
و تبرزها أكثر

بداية موفقة عزيزي :icon30:

و عشانك نرسم عياوين مو بس عيون..
ايه عادي و ان شا الله نوريك شي حلو
بس ما أوعدك بشي حاليا
لأن ما عندي أداوت.. و ما أحب الفحم >> الرصاص أحسن
الله كريم ... ان شا الله اروح السوق قريب و اشتري اللي احتاجه

تحياتي لكم + وردة

ameer

07-26-2008, 06:01 AM

The Avenger

07-26-2008, 07:25 PM

تسلم يا حسين
(لازم تقول بعد ما ينتهي الموضوع ان اشطر واحسن تطبيق كان لامير)

وقت تشتري عده عطني خبر
نفس الشي محتاج وقت علشان اقدر احصل على الرضا واقدر اصور العين صورة جديدة تكون مثل ما تمنى اشوفها في الرسم

ولو بتعبك شوي ممكن تأشر في البرتقاله اماكن الي محتاجة تعديل في التفصيل

مشكور على متابعتك ومجهودك (وكفاحك يا رفيق) :h8:

الله يسلمك يا أمير...

بالنسبة للتوضيح على رسمك..

بتكون لي عودة ان شا الله بكرى

حاليا راجع من بركة و ما فيني قوة اسوي شي خخخخ

الشكر موصول لكم لإحياءكم مثل هذه المواضيع

فلولاكم لما كان لنا مجهود ولا (كفاح)

تحية طيبة لكم + وردة

brown sugar

07-27-2008, 02:27 AM

هذي برتقالتي الجميلة بضوء من جهة وحدة
باستخدام أقلام التظليل ومساحة قلم رصاص ومنديل

اني قلت لك بطبقها على تفاحة

بس بما إنك (وعدتنا) بتعلمنا كل فواكه الصيف

قلت خليني امشي اول بأول مع الاستاذ احسن

ويالله انتقاداتكم:c1db4e139eb9bf01236

brown sugar

07-28-2008, 06:49 PM

اخ حسين
وين تعلليقك

تعال علق على هذي بس
هونا مانبغى كل الفواكه

بس علق على هالبرتقالة المسكينة

The Avenger

07-28-2008, 08:58 PM

آسف على عدم تواجدي

اعذروني حاليا...

مريض و كل شي في جسمي تعبان >>> خصوصا عيوني

ما اقدر اوزع تعليقات خخخخخ

لي عودة بعد الشفاء >>> الدكتور يقول لي لا تطلع من البيت *-*

ناوي يقتلني الظاهر <<<

لي عودة قريبا >>> اذا ما انتقلت الى رحمة الله

تحياتي لكم + سطول بطيخ *_*

اكليل الورد

07-28-2008, 10:27 PM

عافاك الله يامبدعنا وفناننا ..

الله يعينك كل شي ولا وجع العين .. واسمع كلام الدكتور احسن ..خخخخ >>> بدأت نصايح

وبراون شوقر عادي ادري عنها طيبه بتنتظر لين انت تتشافى وترد عليها..

وماتشوف شر..

اكليل الورد

07-28-2008, 10:30 PM

عافاك الله يامبدعنا وفناننا ..

الله يعينك كل شي ولا وجع العين .. صدق امير المؤمنين عليه السلام حين قال ( لا وجع الا وجع العين ولا هم الا هم الدين )..

واسمع كلام الدكتور احسن واخذ الادويه بوقتها ..خخخخ >>> بدأت نصايح الأخت

وبراون شوقر عادي ادري عنها طيبه بتنتظر لين انت تتشافى وترد عليها..

وسلامتك وماتشوف شر..

brown sugar

07-28-2008, 10:34 PM

وي وي في عدوك ان شاء الله

عافاك الله
خلاص ماابغى رد بس انت ارجع
والله عورت قلبي

ولاتطلع من بيتكم
ولاتقول هالكلام عن نفسك ان شاء الله بتطيب
وتكسر المنتدى بفنك يافنان

ameer

07-29-2008, 12:28 AM

لي عودة قريبا >>> اذا ما انتقلت الى رحمة الله

تحياتي لكم + سطول بطيخ *_*

ايييييييييييييييييييييييييه كلنا لها

ولا باقي الا وجهه

اذا وصلت هناك بالسلامة ارسل لي مسج بدرجة الحرارة :iam17_asmilies-com:

اييييييييييييه وقلي بعد اذا لقيت فحم هناك :c1db4e139eb9bf01236

سلامتك وسلامة عيونك يا بوعلي

LOVE STORY

07-29-2008, 12:47 AM

هلا والله فيكم جميع

جميع البرتقالات حليوات

سكروزة صراحة أشوفها جداً مدقنة :icon30:

طيوفة أحس تفاحتك شوي معوقة :na-na-na:

المهم لاتزعلي هي حلوة بس من الأسفل يبغى لها شوية تضبيط أكثر وتصير كذا:icon30:

حسين المؤمن = سلامات وماتشوف شر
هذا أنتوا يالأولاد الموت أهون عندكم ولاأحد يحرمكم من طلعة البيت

يالله إن شا ءالله آخر السوء وترجع تمتر شوارع البحرين

وبإنتظار عودتك

أما أنا مالى في البرتقال ولا الأفندي:1eye:
إذا تبغوا نخلة برسم:na-na-na:

يالله يافناننين ورونا إبداعاتكم
لكم تحياتي

brown sugar

07-29-2008, 02:24 AM

ياعمري قصقوصة :hug:

ماكسرتي بخاطري علقتي على برتقالتي الجميلة:flirty:

يالله عاد ابغى منش رسمة النخلة عشان اعلق عليها:na-na-na:

تسلمي غناتي
باجيب لش هدية سلة برتقال ومقشر بعد:c1db4e139eb9bf01236

والله يشافي فنانا العزيز ويرجعه بالسلامة ويفحط بالمنتدى
ترى مانستغني عن تعليقاته:)

The Avenger

07-30-2008, 01:34 PM

عدنا لكم يا شياب المنتدى >>> قصدي شباب لا تفهموني غلط...

الحمد لله ... الحاله الصحية في تحسن كبير >>> ألحين صرت أشوف زين :icon30:

دعواتكم ما قصرت >>> :icon30:

إكليل ...

شكرا على النصايح خخخ
ما تقصرون تعبناكم ويانا :h8:
>>> أهم شي تخففون من السهر بس :c1db4e139eb9bf01236

براون ...

خلاص رجعنا ما يحتاج لا عوار قلب ولا هم يحزنون ...
و ... الله كريم على كل حال...
ما طلعت من البيت >>> بس لا تسوون تحقيق لأني طلعت خخخ
مستحيل أقعد في البيت >>> صعبة

أمير...

العزيز الغالي... مروركم ولا أروع
تخليني جذي ... أستانس و أضحك رغم كل شي :icon30:
تصدق عاد قربت من هناك ... يقولون الجو لطيف ..
بس ما أضمن لك شي يمكن تروح مكان حار >>> خخخ مجرد مزحة
و اذا انت وصلت بتلاقي فحم على راحتك >>> يمكن نتلاقى بعد هناك صوب الفحم
هههه >> لا تاخذ كلامي على محمل الجد بس ...
و الله يسلمك حبيبي...
أسعدني تواجدك الطيب ... يا طيب

LOVE STORY >>> ما عرفت اكتبه بالعربي خخخخ

الله يسلمكم من كل شر ...
و اخذيها مني >>> حكمة كبيرة قوية عميقة ...الخ >>> حكمي اللي ما تخلص
البيت سجن الرجل و حرية المرأة >>> خخخ خوش حكمه
ترى الرجال ما يحبون قعدة البيت كلش ... كل شي ولا القعدة اللي ما لها أول ولا تالي

-------------------------------------------------------------
مشكورين جميعا على تواجدكم ...
و بما أني صحيت و ادري بكم بتطالبوني بتعليقات و مادري وشو >>> هالسوالف اللي تحبونها
بروح أدقق في الرسومات و انا راجع بالملاحظات خخخ >>> مع أنكم يعني مبدعين و ما اتوقع في اخطاء كثيرة ...

انتظروا عودتي...

تحية طيبة لكم معطرة بالمسك و العنبر و شوية ورود حلوة عشانكم

تحياتي للجميع ... + سطل فيه سطول :c1db4e139eb9bf01236

The Avenger

07-30-2008, 02:30 PM

رجعنا لكم بالملاحظات ...

أولا >> أمير ... >>> جاك الموووت خخخخخخخخ
نبدأ...

مثل ما قلت قبل ... لازم تراعي التفاصيل أكثر...
أحس انك رسمتها بالسريع و بدون تدقيق ^_^
الملاحظات مو واجد ... لكن في شغلات مهمة ...

http://img.photobucket.com/albums/v297/psdkhglclk/Orange/ameer.jpg

1 - الظل اللي مسويه مو صحيح..
بالنسبة للإضاءة فهو مائل كثيرا .. و صاير في مرمى الإضاءة نفسها...
و ما يجوز ان يكون الظل موجود جهة الإضاءة...
و المفروض يكون ميلانه مثل ما خططت له في المنطقة رقم 1...

2-الزاوية المحددة في الجدار ... ما لاحظت فيها أي ظلال..
و المفروض يكون فيها ظلال مثل الزاوية الثانية للجدار..
المنطقة رقم 2 ... لازم تكون مظللة ... >> إلا إذا فعلا في ظلال و خانني نظري ^_^

3-البرتقالة ... تحديدها غير دقيق ... صاير شوي معفس
أحسك تسرعت في تحديدها ... يفضل مراعاة هالشيء بما أنك ترسم رسم واقعي
... غير هذا فالبرتقالة جدا جميل ... عجبتني صراحة خصوصا التلوين...
أبدعت فيها ... و بالتوفيق ... ^_^ شغلك جميل يا أمير... :icon30:

نجي لـــ السكر البني ... :h8:

نخش على طول عالملاحظات ...

http://img.photobucket.com/albums/v297/psdkhglclk/Orange/bsuger.jpg

1- المنطقة رقم 2 في الصورة مثل ما نشوف فيها ظل على خفيف...
و هذا يقودني إلى القول أنك قصدتي توجيه إضاءة من الخلف >>> السهم رقم 1<<<
لو كانت هالإضاءة فعلا موجودة يكون الظل صحيح ...
لكن انت قلتي انها بإضاءة وحدة ... يعني الظل هذا لازم ما يكون موجود ...
و ثانيا الإضاءة من هالجهة ما تصح لوجود الجدار .... يعني في الحالتين لا يمكن تواجد هذا الظل ...

2- الظل في المنطقة 3 ...
الظل اللي مسويته صحيح .. لكن ملاحظتي أنه من تحت... أنتي مسويته واسع شوي
و مستدير بشكل كبير ... المفروض يتبع لقوس اللي رسمته على اللوحة ..
و فيه ميلان شوي بحيث أنه صاير في مرمى الصوء ... لكن بشكل خفيف ..
و المفروض الظل بتواصل للجدار ... في فراغ ما فيه ظل بين الجدار و البرتقالة ...

3- المنطقة رقم 4 المفروض يكون فيها ظل بحكم الإضاءة المسلطة على البرتقالة..
و المنطقة رقم 5 المفروض يكون فيها ظل خفيف ... لأنه ما يصح تكون المنطقة
تحت البرتقالة بدون ظل ... إلا إذا كان في ضوء من تحت البرتقالة ... ^_^

و في النهاية ... رغم الملاحظات اللي حول الظلال..
البرتقالة بحد ذاتها >>> بدون الخلفية
متقنة بشكل كبير جدا جدا جدا ...
أذهلني التطبيق اللي عليها ... الفن واضح فيها :icon30:
>>> بس هالشوكة و السكين ذابحين هالفقيره خخخخخخخخخ

-------------------------------------------

كلمة بسيطة ...
أهم ما في الرسم بعد إتقان الأشكال و المقاسات ..
هو التظليل ... كل ما كان الفنان متقن للتظليل كان رسمه أفضل
التظليل هو اللي يعطي ... يخلي الورقة ذات البعدين >>> يسويها 3 أبعاد..
عشان جذي حاولوا دائما التدرب على التظليل و الإضاءة ..
و أفضل طريقة هي رسم عناصر من الواقع.....
أنا قلت لكم حاولوا تحطون برتقالة جدامكم و ترسموها طبق الأصل..
ما أدري سويتونها أو لا !!!

و شيء ثاني ...
أنا مو بمحل أستاذ هني ...
يعني ملاحظاتي قابلة لأن تكون خاطئة ...
فلا تاخذون كلامي على أنه صح 100% ...
حاولوا تشوفون ملاحظاتي مع لوحاتكم و تكتشفون إذا كانت صح أو خطأ
لأني صراحة أحيانا أشك في ملاحظاتي خخخخخ
و اعتبروني في صفكم ... يعني مو مدرس ولا دكتور ...
حالي حالكم ... أنا ما عندي شي أنتوا ما تملكونه ..

>>> كأني تكلمت كثير؟؟؟؟

هنا تنتهي ملاحظاتي ... ننتظر و نشوف إذا في تطبيقات للي قالوا بطبقون
و للحين ما شفنا شي >>> مثل محمد الداوود :icon30: :h8: :h8: :h8: :icon30:

قريبا ... موضوع فريد من نوعه >>> عن الرسم .. و من العيار الثقيل بعد
انتظرونا ... :icon30:

بارك الله في هذه الجهود الرائعة ...
لا يمكن لأحد أن يقول أن مستواكم في الرسم مستوى مبتدئ
أعجبتني التطبيقات .... عمل رائع أحسنتم جميعا
و شكرا لكم لأنكم شاركتموني في الرسم

تحياتي لكم جميعا ... + حديقة ورد ...

الخطاط سيد

07-30-2008, 04:43 PM

اهلا ما شاء الله و لي عودة بالتطبيق

موفقين

ameer

07-30-2008, 06:52 PM

ومنكم نستفيد

- الظل اللي مسويه مو صحيح..
بالنسبة للإضاءة فهو مائل كثيرا .. و صاير في مرمى الإضاءة نفسها...
و ما يجوز ان يكون الظل موجود جهة الإضاءة...
و المفروض يكون ميلانه مثل ما خططت له في المنطقة رقم 1...

فحمتني (من الفحم)

2-الزاوية المحددة في الجدار ... ما لاحظت فيها أي ظلال..
و المفروض يكون فيها ظلال مثل الزاوية الثانية للجدار..
المنطقة رقم 2 ... لازم تكون مظللة ... >> إلا إذا فعلا في ظلال و خانني نظري ^_^

اللقافه عواقبها وخيمه ..

هذا يا طويل العمر ما كان في جدار ولا طوف ولا حائط ولا حتى wall

لكن ابو اللقافه لما سويت للصورة scan كنت فاتح الفوتوشوب اجرب فلتر لتعديل البورتريه
قمت وجرته سحبت اللون من الصورة وسويته خط الجدار ولا هو ما كان موجود اصلا
ابو اللقافة يا شيخ

عاد تصدق ان هالفلتر انا مو مقنع فيه للصور .. ويوم استخدمته خربت به ابداعاتي الفنية:b3addaa7b5:

3-البرتقالة ... تحديدها غير دقيق ... صاير شوي معفس
أحسك تسرعت في تحديدها ... يفضل مراعاة هالشيء بما أنك ترسم رسم واقعي
... غير هذا فالبرتقالة جدا جميل ... عجبتني صراحة خصوصا التلوين...
أبدعت فيها ... و بالتوفيق ... ^_^ شغلك جميل يا أمير...

يعني من هو احسن واحد يلون :h8: .. انا ما بقول انت قول

يعطيك العافيه يا بوعلي .
حبيت تعليقاتك على كل الرسمات

.عساك عالقوة ... لا تقطعنا من فناتك

The Avenger

07-30-2008, 11:02 PM

الخطاط ........

ننتظر تطبيقك ^_^

أميييييييييييييير ....

خخخخخخخخخخخ

ما فيها تفحيم السالفه >> ما حب اتعامل مع الفحم>>> انسان نظيف

و وش لك تتليقف ... احنا قلنا رسم يدوي وش دخل الفوتوشوب؟؟؟

خخخخخخخخخخخ وقعت شر وقعة بسبب لقافتك خخخخ

بس مدام الجدار مو موجود في الأصل ... نقبلها لك هالمره و نحذف هالملاحظة

و لا تطلب مني أقول أنك أحسن واحد يلون هني...

تراني مو حكم ولا قاضي خخخخخخخخخخخخخخخ

بس أقول تلوينك حلو و جميل و شغلك نظيف ^_^

الله يعافيك حبيبي

و يقويك ربي ... لنا لقاء >>>طريف<<< مع الرسم

قريبا >>> بس يمكن عقب شهر خخخخ

تحياتي + وردة

brown sugar

07-31-2008, 02:36 AM

The Avenger

07-31-2008, 02:47 AM

أ. حسين المؤمن
اولا: الحمد لله على السلامة وشر لاعاد
ثانيا: شكرا على الملاحظات القيمة >>> عن جد استفدت لاني ماعندي خبرة في الظلال
وترى رسمتها بسررعة يمكن خمس دقايق يعني مومركزة كيف يناسب الظل جهة الضوء بالدقة
اهم شي احط ظل والسلام

ثالثا : ترى هذا الا ورا مو جدار عفر صحن ماادري ويشو استحيت احطها لحالها بدون شي قلت اشخط شخبوطة ورا وصارت جدار

وعلى العموم مشكووووووووووووووور وماتقصر وعساك عالقوة وان شاء الله ماثقلنا عليك
وننتظر دروس جديدة

سي يو

أهلا بالبني :c1db4e139eb9bf01236
أولا: من الحين حطيتون أ. ؟؟؟؟
:santa_1: شوفوا هذا أبو شنب بسلطه عليكم...
بكرى أ. بتصير م. !!!!!!!!! >>> :icon30: هذي شفرة

ثانيا:الله يسلمكم من كل شر ان شا الله ..

ثالثا:إذا ما كان جدار ما عليه ... نطوفها ليكم هالمرة
بعدين نصيحة ... في الرسم .. خصووووووووووووصا الواقعي
أبدا لحد يتسرع ... الرسم يحتاج لدقة و تركيز ...
و المتسرع ما بيتقن الظلال ... لأنه بجي يوم من الأيام
بترسمون لوحات فيها أكثر من 4 إضاءات ...
وش بتسوون في عمركم بعدين ؟؟؟ بتتسرعون و الا بترمون اللوحة؟؟؟
هي المسألة ما تحتاج احتراف !! هي مسألة أنكم تاخذون كل راحتكم في الرسمة

أحيانا لم أرسم و أحس روحي متسرع .. أترك الرسم
و أرجع له بعد يوم و مرات أتركه لأسبوع ...

أدري أن هالكلام ممل .. و الأكثر مللا أنكم تقعدون ساعات على رسمة وحدة
لكن لابد أنكم تتعلمون هالشيء..
اخذوا كل وقتكم في لوحة وحدة ... و بتحطمون دافنشي !!!

>>> كأني واجد تكلمت؟؟؟ >>> أحب الهدرة
هالمرة بنطوفها لش بس مرة ثانية إياني و إياكم أشوف حرف الألف + نقطة :santa_1:
و هذا أبو شنب متوعد لكم :santa_1:

قريبا ... موضوع من العيار الثقيل >>> لا تنتظرون درس :icon30:

تحياتي لكم + سطل ورد

brown sugar

07-31-2008, 03:04 AM

The Avenger

07-31-2008, 04:08 AM

تشكرات حسيييييين المؤمن >>>خلاص شلنا الالف والنقطة بنسميك حسين حاف كذا حلو ؟

اني اكره التطويل على الرسمة دائما اخلصها في ساعة بس
لان الحماس يجي مرة وحدة كل سنة يعني ان تركتها الحين مستحيل بكرة اكملها

رسمت اخويي قبل اربع سنين بس الشعر والعياوين وتركتها وللحين الرسمة متعلقة ماخلصت
ادعو يجيني الحماس واخلصها له مسكين

^_^ ^_^ ^_^

ايه احسن بدون الف + نقطة ... ^_^ سموني حسين الحافي احلى بعد :icon30:

بالنسبة للحماس..

للعلم فقط .. قبل عودتي للرسم وياكم في هالمنتدى
كنت قاطع الرسم لمدة سنة كاملة تقريبا
يعني مو بس انتي اللي يروح عنك الحماس
الكل ... لكن صدقيني .. لو ودك ترسمين..
بيتولد الحماس بنفسه >>> نسميك بعدين مولد الحماس خخخخ
لأن في عالم الفن اللانهائي...
لا وجود للمستحيل... كل شي ممكن :icon30:
حتى لو ما عندك شي ترسمينه حاولي تخربشين اي شي...
فلربما تتولد لوحة كاملة من خط واحد :c1db4e139eb9bf01236

أشكر تفاعلكم المميز ..
أوصلتموني لما أريد...
أسعدتني مشاركاتكم ... فشكرا لكم و لمشاركتكم الرسم معي

تحية طيبة لكل القلوب المبدعة هنا معنا مزينة بالورد و معطرة بالمسك و العنبر..

Ahlam

08-25-2008, 12:50 PM

مساء محمل بكــل الوردو انثرها على
الاعضاء المميزين و على المجهودات المبذوله
احببت فقط المرور و القاء التحيه عليكم
اشخااااص تستحقون اكثــر من ذلك
علامات مميزه ,, و مواهب تكاد ان تنطلق في هذا العالم
كونو بخيــر انتم و فنكم
ســ اراقب من بعديد لــ بعيد

تحياتي بدون سطول لايزعل علينا ابو على

أحــلام :w6w_200505270246031

The Avenger

08-25-2008, 06:12 PM

أهلا بالأخت أحلام

تحية طيبة منكم نورت لنا شاشاتنا ^_^

شكرا على التحية

و لم إلقاء التحية فقط ؟؟؟

شاركونا .. الموضوع موجه للكل لا لأعضاء محددين !!!

راقبونا عن قرب و شاركونا .. لا نحب البعد عنكم ^_^

^_^

بعدين ليش شلتي السطول كانوا حلوين ^_^

ما ازعل ولا شي ما عاش من يزعل منكم >>> لكن احب الشطانه شوي ^_^

استعملوا "سطولي" و ليس أسطولي ^_^ كما يحلو لكم

تحياتي لكم + حديقة ورد فيها سطول معلقة مشحونة ورد ^_^